රාජ්‍ය අමාත්‍ය අරුන්දික ප්‍රනාන්දුගේ පුතා පොලීසිය වෙත භාරවෙයි

රාගම වෛද්‍ය පීඨ නේවාසිකාගාරයට කඩා වැදී සිසුන්ට පහරදීමේ සිදුවීම සම්බන්ධයෙන් රාජ්‍ය අමාත්‍ය අරුන්දික ප්‍රනාන්දුගේ පුතා පොලීසිය වෙත භාරවී තිබෙනවා. පොලිසිය පවසන්නේ බාරවීමෙන් පසුව ඔහුව අත්අඩංගුවට ගත් බවයි.

දංකොටුව, වලව්වත්තේ පදිංචි 23 හැවිරිදි අවින්ද රන්දිල ජෙහාන් ප්‍රනාන්දු නැමති අදාළ සැකකරු නීතිඥයෙකු මාර්ගයෙන් අද (3) අලුයම පොලිසියට බාර වූ බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් පන්දුව පවසනවා. රාගම පොලීසියට භාරවූ පසු එලෙස අත්අඩංගුවටගත් බවයි ඔහු කියන්නේ. පොලීසිය පවසන්නේ අදාළ පහරදීම සඳහා පැමිණි රාජ්‍ය අමාත්‍යවරයාගේ පුතාගේ බව කියන BMW වර්ගයේ මෝටර් රථය කළුබෝවිල ප්‍රදේශයේ දී රාගම පොලිස් ස්ථානය භාරයට ගෙන ඇති බවයි. ඒ රාජ්‍ය අමාත්‍ය අරුන්දික ප්‍රනාන්දුගේ පුතාගේ තොරතුරු මතයි.

මේ වන විට සිද්ධියට අදාළ අත්අඩංගුවට ගත් මුළු සැකකරුවන් ගණන 7ක්. අත්අඩංගුවට ගත් සැකකරුවන් හඳුනාගැනීමේ පෙරෙට්ටුවක් සඳහා වැලිසර මහෙස්ත්‍රාත් අධිකරණය වෙත ඉදිරිපත් කිරීමට නියමිතයයි.

රාගම වෛද්‍ය පීඨයේ ශිෂ්‍ය නේවාසිකාගාරයට ඊයේ (02) අලුයම 2.30ට පමණ කඩාවැදී ඇතිවූ සිදුවීමට හේතුව රාගම වෛද්‍ය පීඨය තුළ ඉගෙනුම ලබන විශේෂඥ වෛද්‍යවරියකගේ දරුවෙකුට එරෙහිව ක්‍රියාත්මක වූ නවක වද සිදුවීමක් බවයි අරුන්දික ප්‍රනාන්දු රාජ්‍ය අමාත්‍යවරයා ඊයේ කියා තිබුණේ. දිගින් දිගටම අදාළ වෛද්‍ය ශිෂ්‍යාවට සිදුවූ හිරිහැර හේතුවෙන් ඇයව ගලවා ගැනීම සඳහා මෙම පුද්ගලයින් රාගම වෛද්‍ය පීඨයට ගොස් ඇති බව තමන්ට ආරංචි වූ බව රාජ්‍ය අමාත්‍යවරයා පැවසුවා.

ඒ අතර මෙම පහරදීමේ සිදුවීමට තමන් සම්බන්ධ යැයි ඔප්පු කළහොත් තමන් සිය රාජ්‍ය අමාත්‍ය ධුරයෙන් ඉල්ලා අස්වන බව පොල්, කිතුල් හා තල් වගා ප්‍රවර්ධනය හා ආශ්‍රිත කාර්මික භාණ්ඩ නිෂ්පාදන හා අපනයන විවිධාංගීකරණ රාජ්‍ය අමාත්‍ය අරුන්දික ප්‍රනාන්දු කියා සිටියා. තමන් මෙම සිදුවීම එදින උදෑසන දැනගත් බවත් තම අමාත්‍යාංශයේ කවුරුන් හෝ මෙම සිදුවීමට සම්බන්ධ නම් ඔවුන්ට එ‍රෙහිව විනය පරීක්ෂණයක් සිදුකිරීමට සූදානම් බවත් රාජ්‍ය අමාත්‍යවරයා සදහන් කර තිබුණා.

More from author

ඉන්ෆ්ලුවෙන්සා රෝගීන්ගේ වැඩවීමක්

දිවයින පුරා ඉන්ෆ්ලුවෙන්සා රෝගීන්ගේ වැඩවීමක් පෙන්නුම් කරන බව සෞඛ්‍ය අංශ පවසනවා. වසංගත රෝග විද්‍යා ඒකකයේ වැඩබලන ප්‍රධාන වසංගත...

ලොරියක පාසල් ගිය සිසුන් ලොරි තට්ටුව කඩා වැටී රෝහලට

අනුරාධපුර දිස්ත්‍රික්කයේ ගලෙන්බිදුණුවැව අධ්‍යාපන කොට්ඨාසයේ ගලෙන්බිදුණුවැව අධ්‍යාපන කලාප කර්යාලයට අයත් 21 තක්ෂිලා මහ විදුහලේ අධ්‍යාපනය ලබන දරුවන්...

“අවිධිමත් කළමනාකරණය නිසා මේ මොහොතේ ලංකාවට මූල්‍යාධාර දෙන්නේ නෑ” – ජපන් තානාපති

ලංකාවට ලබා දෙන මූල්‍යාධාර අවිධිමත් කළමනාකරණය හේතුවෙන් අපතේ යා හැකි බැවින්, මේ මොහොතේ ලංකාවට මූල්‍යාධාර ලබා නොදෙන...

මර්වින් සිල්වා ශ්‍රීලනිපයට

හිටපු අමාත්‍ය මර්වින් සිල්වා ශ්‍රී ලංකා නිදහස් පක්ෂයේ සාමාජිකත්වය ලබා ගෙන තිබෙනවා. ඔහු එම පක්ෂ සභාපති, හිටපු ජනාධිපති...

LEAVE A REPLY

Please enter your comment!
Please enter your name here

Related posts

Latest posts

ඉන්ෆ්ලුවෙන්සා රෝගීන්ගේ වැඩවීමක්

දිවයින පුරා ඉන්ෆ්ලුවෙන්සා රෝගීන්ගේ වැඩවීමක් පෙන්නුම් කරන බව සෞඛ්‍ය අංශ පවසනවා. වසංගත රෝග විද්‍යා ඒකකයේ වැඩබලන ප්‍රධාන වසංගත රෝග විද්‍යාඥ සමිත ගිනිගේ සඳහන් කරන්නේ දිවයින...

“නුසුදුස්සන්ට තනතුරු දී කළ වැරදි නිවැරදි කරගන්නට ආණ්ඩුව සූදානම් නෑ” – මෛත්‍රීපාල සිරිසේන

ආණ්ඩුව 21 වැනි සංශෝධනය ගෙනැවිත් පිරිසිඳුවීමට උත්සාහ කළත් එය ජනතාව බලාපොරොත්තු වූ ආකාරයේ සංශෝධනයක් නොවන බවයි ශ්‍රී ලංකා නිදහස් පක්‍ෂයේ සභාපති, හිටපු ජනාධිපති, පොහොට්ටුවේ...

ලොරියක පාසල් ගිය සිසුන් ලොරි තට්ටුව කඩා වැටී රෝහලට

අනුරාධපුර දිස්ත්‍රික්කයේ ගලෙන්බිදුණුවැව අධ්‍යාපන කොට්ඨාසයේ ගලෙන්බිදුණුවැව අධ්‍යාපන කලාප කර්යාලයට අයත් 21 තක්ෂිලා මහ විදුහලේ අධ්‍යාපනය ලබන දරුවන් 13 අනතුරකට ලක්ව රෝහල ගත කර තිබෙනවා. ඒ...