“රජය කියන්නේ වියත්මග නෙමෙයි” – නාලක ගොඩහේවා

වියත්මග යනුවෙන් හඳුන්වන්නේ බුද්ධි මණ්ඩලයක් පමණක් බවයි රාජ්‍ය අමාත්‍ය ආචාර්ය නාලක ගොඩහේවා කියන්නේ. ඔහු පවසන්නේ ‘රජය කියන්නේ වියත්මග නෙමෙයි’ යනුවෙන්.

“වියත්මග කියලා කියන කාරණය හුඟක් වෙලාවට දැන් සාකච්ඡාවට භාජනය වෙන දෙයක්නෙ. වියත්මග කියලා කියන්නේ ගෝඨාභය රාජපක්ෂ මහත්මයා ජනාධිපති වශයෙන් පත්වන්නට පෙර ඔහු වටා ගොඩනැගුණු බුද්ධි මණ්ඩලයක්. ඒක දේශපාලන සංවිධානයක් නෙමෙයි. දේශපාලන පක්ෂයකුත් නෙමෙයි. එතන තිබුණේ බුද්ධි මණ්ඩලයක්. 2016 – 2019 දක්වා අවුරුදු 4 ක පමණ කාලයක් ගෝඨාභය රාජපක්ෂ මහත්මයත් සමග එකතු වෙලා මේ රටේ බොහෝ විද්වතුන්, ජනතාව එකතු කරගෙන සාකච්ඡා කරලා සෞභාග්‍යයේ දැක්ම කියන ප‍්‍රතිපත්ති ප‍්‍රකාශය සකස් කරන්නට විශාල දායකත්වයක් දුන්නා වියත්මග කියන කණ්ඩායම. ඒක 100% ක් අපි කළා කියලා අපි කියන්නේ නැහැ. නමුත් වියත්මගෙන් තමයි ප‍්‍රධාන දායකත්වය දුන්නේ.

රජය පත්වුණාට පස්සේ සෞභාග්‍යයේ දැක්ම කියන ප‍්‍රතිපත්ති ප‍්‍රකාශය අරගෙන ඒක ක්‍රියාත්මක කරන්නට ඕනේ රජය. දැන් මෙතනදි හුඟක් අය පටලා ගන්නවා වියත්මග කියන්නේ රජය කියලා. මම පැහැදිලිවම කියනවා ඒක සම්පූර්ණයෙන්ම වැරදි වැටහීමක්. රජය කියලා කියන්නේ වියත්මග නෙමෙයි. වියත්මගේ කවුරුත් එතන නැහැනේ. රාජ්‍ය අමාත්‍යවරු 40 ක් පමණ ඉන්නවා එතන ඉන්නේ වියත්මගේ තුන්දෙනයි. එතකොට මේ රට දුවන්නේ වියත්මගෙන් නෙමෙයි. අමාත්‍යාංශ ලේකම්වරු ගත්තහම අමාත්‍යාංශ 70 ක් තියෙනවා, මා දන්නා තරමට වියත්මගෙන් ඉන්නේ 4 දෙනයි.

ඒ නිසා සමහර අය ජනාධිපතිතුමාට අපහාස කරන්නට, මඩ ගහන්නට, කෝ වියත්මග, වියත්මග මොකද්ද කරන්නේ කියලා අහනවා. වියත්මග මේ රට පාලනය කරන්නේ නැහැ. වියත්මග තමයි මේකට සැලැස්ම හදලා දුන්නේ. දැන් ඒ සැලැස්ම අනුව පාලනය කරන එක රජයට අයිති කාරණයක්. රජය කියලා කියන්නේ වියත්මග නෙමෙයි.

හැබැයි වියත්මගේ භූමිකාව එතනින් එහාට යන්නට තිබුණා අර කියපු කැබිනට් මණ්ඩලයේ අනෙක් තැන්වල වියත්මගේ අය හිටිය නම්. එහෙම කරලා නැහැ. එහෙම වෙලත් නැහැනේ. එතකොට රජය කරන කටයුතුවල ගෞරවය ගැනීම හෝ ඒකේ වරද ගැනීම වියත්මගට කරන්නට බැහැ. මොකද වියත්මගේ කිහිප දෙනෙක් ඉන්නවා. උදාහරණයක් වශයෙන් මම වියත්මගේ සාමාජිකයෙක් මට රාජ්‍ය අමාත්‍යංශයක් භාර දීලා තිබෙනවා. අපේ අරමුණට අපි යනවා. එහෙම කියලා මේක රජය නෙමෙයිනේ. මේක එක අමාත්‍යාංශයක් පමණයි” යනුවෙන් රාජ්‍ය අමාත්‍යවරයා පවසනවා.

More from author

“ලංගම ගාස්තු වැඩි කිරීම පිළිබද තීරණයක් ගෙන නෑ” – ලංගම සභාපති

ලබන පළමුවනදා සිට පෞද්ගලික බස් ගාස්තු වැඩි කරන බව පෞද්ගලික බස් සංගම් පවසනවා. ඒ ඊයේ ප්‍රවාහන ඇමති වරයා...

කන්දකාඩු පුනරුත්ථාපන මධ්‍යස්ථානයෙන් රැඳවියන් 600ක් පළායයි

පොළොන්නරුව, කන්දකාඩු පුනරුත්ථාපන මධ්‍යස්ථානයේ රැඳවා සිටි රැඳවියන් 600ක් පමණ ඉන් පළා ගොස් තිබෙනවා. ඒ අනුව මධ්‍යස්ථානයේ රඳවා සිටි...

චීනයෙන් අධ්‍යාපන අමාත්‍යාංශයට සහල් ප්‍රදානයක්

චීනය විසින් සහල් මෙට්‍රික්ටොන් 1,000ක තොගයක් අධ්‍යාපන අමාත්‍යාංශයට ප්‍රදානය කර තිබෙනවා. ශ්‍රී ලංකාවේ චීන තානාපති කාර්යාලය සඳහන් කරන්නේ...

එක රටක් – එක නීතියක් වාර්තාව ජනපති අතට

එක රටක් එක නීතියක් පිළිබඳ විශේෂ ජනාධිපති කොමිෂමේ වාර්තාව ජනාධිපතිවරයාට භාරදී තිබෙනවා. ජනාධිපති මාධ්‍ය අංශය සඳහන් කරන්නේ එහි...

LEAVE A REPLY

Please enter your comment!
Please enter your name here

Related posts

Latest posts

“ලංගම ගාස්තු වැඩි කිරීම පිළිබද තීරණයක් ගෙන නෑ” – ලංගම සභාපති

ලබන පළමුවනදා සිට පෞද්ගලික බස් ගාස්තු වැඩි කරන බව පෞද්ගලික බස් සංගම් පවසනවා. ඒ ඊයේ ප්‍රවාහන ඇමති වරයා හා බස් සංගම් අතර පැවතී සාකච්ජා වලින්...

සමිත දුලාන්ගෙන් නව ලෝක වාර්තාවක්

පැරා ඔලිම්පික් පදක්කම්ලාභී සමිත දුලාන් නව ලෝක වාර්තාවක් පිහිටුවීමට සමත් වී තිබෙනවා. ඒ අනුව ජාතික පැරා මලල ක්‍රීඩා ශූරතාවලියේ F44 හෙල්ල විසිකිරීමේ අවසන් මහා තරඟයේදී...

කන්දකාඩු පුනරුත්ථාපන මධ්‍යස්ථානයෙන් රැඳවියන් 600ක් පළායයි

පොළොන්නරුව, කන්දකාඩු පුනරුත්ථාපන මධ්‍යස්ථානයේ රැඳවා සිටි රැඳවියන් 600ක් පමණ ඉන් පළා ගොස් තිබෙනවා. ඒ අනුව මධ්‍යස්ථානයේ රඳවා සිටි රැඳවියෙකු මියයාමේ සිද්ධියක් මුල් කර ගනිමින් ඊයේ...