විනය කඩ කළොත් නිකායෙන් නෙරපනවා… රාමඤ්ඤ මහා නිකායෙන් නිවේදනයක් !

භික්ෂුවකට නොගැළපෙන විනය විරෝධී කටයුතු සිදුකරමින් මහජනයා තුළ ශ්‍රද්ධාව, ගෞරවය නැතිවන ආකාරයෙන් කටයුතු කරන භික්ෂූන් වහන්සේලා නිකායෙන් නෙරපා හැරිය යුතු බව ශ්‍රී ලංකා රාමඤ්ඤ මහා නිකාය විසින් විශේෂ ශාසනික නිවේදනයක් නිකුත් කරමින් පවසා තිබෙනවා. රාමඤ්ඤ මහා නිකායේ මහානායක අග්ගමහා පණ්ඩිත නාපානේ පේමසිරි මාහිමිපාණන්ගේ උපදෙස් මත එම නිකායේ ලේකකාධිකාරී හිමියන් විසිනුයි මෙම නිවේදනය නිකුත් කර ඇත්තේ.

එම නිවේදනයෙන් පැවසෙන පරිදි ලාභ අපේක්ෂාවෙන් හෝ දුර්වල මානසික තත්වයන් නිසා විවිධ ස්වාමීන් වහන්සේලා සහ කණ්ඩායම් භික්ෂු ගෞරවයට හානිවන ආකාරයෙන් සමාජ මාධ්‍ය ඇතුළු විවිධ මාධ්‍ය ජාලාවල මේ දිනවල පෙනී සිටිනවා. එම පුද්ගලයන් නිසා සම්බුද්ධ සාශනයට සහ හික්ෂු ගෞරවයට සිදුවන හානිය සුළුපටු නොවන බවයි එමඟින් පෙන්වා දෙන්නේ. එමනිසා එවැනි දුර්විනීත, අධර්මවත් භික්ෂූන් තම නිකාය තුළ ලියාපදිංචි වී ඇත්නම් නිකාය කතිකානුකූලව අවශ්‍ය පියවර ගෙන, ඔවුන්ගේ සාමණේර උපසම්පදා ලියාපදිංචියක් බෞද්ධ කටයුතු අමාත්‍යාංශයේ ඇත්නම් එයද අවලංගු කොට නිකායෙන් නෙරපා හැරීමට කටයුතු කළ යුතු බවයි මෙම නිවේදනයෙන් වැඩිදුරටත් පෙන්වා දී ඇත්තේ.

කෙසේවෙතත් මීට පෙරද සමාජ මාධ්‍ය තුළ පමණක් නොව විවිධ පෞද්ගලික මාධ්‍ය ආයතන තුළද ඔවුන්ගේ දේශපාලන න්‍යායපත්‍රයන්ට අනුගත වෙමින් භික්ෂු ගෞරවයට හානිවන අයුරින් හැසිරුණු භික්ෂූන් වහන්සේලාව අපට දැකගැනීමට ලැබුණා. බුද්ධ දර්ශනයටද එරෙහිව යමින් ජාතිවාදී වෛරී ප්‍රකාශ නිකුත් කරමින්, මහජන සාමයට හානිවන අයුරින් කටයුතු කරන දේශපාලන පක්ෂවල අතකොලු බවට පත්වූ එවැනි භික්ෂූන් වහන්සේලා නිසාද සම්බුද්ධ සාශනයට සිදුවූ හානිය ද සුළුපටු නැහැ. එවැනි භික්ෂූන් වහන්සේලාගේ අවිචාරවත් හැසිරීම් නිසා විනයවත්, සාමකාමී භික්ෂූන් වහන්සේලා පවා සමාජය තුළ දැඩි ලෙස අපහසුතාවයට පත්වූ පුවත් අපට විටින් විට වාර්තා වී තිබෙනවා.

මේ අතර මෙම ලිපියට පාදක වූවායැයි සිතිය හැකි බොරැල්ලේ සිරි සුමන භික්ෂුවගේ හැසිරීම මෑතකාලීනව සමාජ මාධ්‍ය තුළ දැඩි ලෙස විවේචනයට ලක්වුණා. කෙසේවෙතත් මේ වන විට සමාජ මාධ්‍ය තුළ සංසරණය වන වීඩියෝ පටයක දැක්වෙන්නේ ඉත්තෑපානේ සද්ධාතිස්ස හිමියන් සහ ඩෑන් ප්‍රියසාද් නමැති පුද්ගලයා බොරැල්ලේ සිරි සුමන හිමියන් හමුවීමට ගොස් උන්වහන්සේට උපදෙස් ලබාදෙන ආකාරයයි. නමුත් එය දකින මහජනතාවට පැන නඟින ගැටළුව වන්නේ විවිධ දේශපාලන මතවාදවල වුවමනාවන් ඉටුකිරීම වෙනුවෙන් බුද්ධ චීවරය භාවිතා කරන ඉත්තෑකන්දේ සද්ධාතිස්ස වැනි හිමිවරුන්ට එසේ තව අයෙකුට උපදෙස් දීමේ සදාචාරාත්මක අයිතියක් තිබෙනවාද යන්නයි.

More from author

ඇමතිගේ හිතවතුන් ගන්න පොල් සංවර්ධන මණ්ඩලයේ සම්මුඛ පරීක්ෂණ

පොල් සංවර්ධන මණ්ඩලයට සේවකයින් බඳවා ගැනීම සඳහා මේ දිනවල සම්මුඛ පරීක්ෂණ පැවැත්වෙන බව වාර්තා වනවා. මෙලෙස නව බඳවාගැනීම්...

බස් ගාස්තු 30% කින් ඉහළ දැමීමට අනුමැතිය

බස් ගාස්තු 30% කින් ඉහළ දැමීමට අද (28) ප්‍රවාහන අමාත්‍යවරයා සමඟ පැවති සාකච්ඡාවේදී තීරණය කළ බව සමස්ත...

නව අමාත්‍යාංශයක් ගැසට් කරයි

තාක්ෂණ අමාත්‍යාංශය ලෙස නව අමාත්‍යාංශයක් ජනාධිපතිවරයා විසින් ගැසට් මඟින් ප්‍රකාශයට පත් කර තිබෙනවා. මීට පෙර තාක්ෂණ හා ආයෝජන...

ඉන්ධන බෙදාහැරීම අත්හිටුවයි

පිරවුම්හල් වෙත ඉන්ධන බෙදාහැරීම අත්හිටුවා ඇති බව සීමාසහිත ලංකා ඛනිජ තෙල් තොග ගබඩා පර්යන්ත සමාගම පවසනවා. එම සමාගම...

LEAVE A REPLY

Please enter your comment!
Please enter your name here

Related posts

Latest posts

ඇමතිගේ හිතවතුන් ගන්න පොල් සංවර්ධන මණ්ඩලයේ සම්මුඛ පරීක්ෂණ

පොල් සංවර්ධන මණ්ඩලයට සේවකයින් බඳවා ගැනීම සඳහා මේ දිනවල සම්මුඛ පරීක්ෂණ පැවැත්වෙන බව වාර්තා වනවා. මෙලෙස නව බඳවාගැනීම් සඳහා සම්මුඛ පරීක්ෂණයට කැඳවා ඇත්තේ රජයේ බඳවාගැනීම්...

බස් ගාස්තු 30% කින් ඉහළ දැමීමට අනුමැතිය

බස් ගාස්තු 30% කින් ඉහළ දැමීමට අද (28) ප්‍රවාහන අමාත්‍යවරයා සමඟ පැවති සාකච්ඡාවේදී තීරණය කළ බව සමස්ත ලංකා පෞද්ගලික බස් සමාගම් සම්මේලනයේ ලේකම් අංජන...

මූල්‍ය සමාගම් 5 ක බලපත්‍ර අත්හිටුවීමට මහ බැංකුව තීරණය කරයි

මෙරට මූල්‍ය සමාගම් පහක බලපත්‍ර අත්හිටුවීමට ශ්‍රී ලංකා මහ බැංකුව තීරණය කර තිබෙනවා. මහ බැංකුව නිවේදනයක් නිකුත් කරමින් සඳහන් කරන්නේ පහත මූල්‍ය සමාගම් පහට මුදල්...