Dota 2 (Defence Of The Ancient) නමින් නම්කර තිබෙන පරිගණක ක්‍රීඩාවේ මෙවර ජාත්‍යන්තර ශූරතාවය ඔක්තෝම්බර් 15වන දින සිංගප්පූරුවේ ආරම්භ කිරීමට නියමිතව තිබෙනවා. මෙය එහි 11 වන ජාත්‍යන්තර තරඟය යි. ආසියාවේ මෙම තරඟය පවත්වන්නේ දෙවෙනි වතාවට යි. ආරාධිත කණ්ඩායම් පෙර පරිදිම කලාපීය ලීග සහ මේජර් තරඟ වලින් එකතු කරගත් ලකුණු මත පදනම් වී ඇති බවයි කියන්නේ.
මෙවර එක් එක් කලාපයේ සුදුසුකම් ලැබීමේ තරඟ වලින් දෙවන සහ තෙවන ස්ථාන ලබා ගන්නා කණ්ඩායම් සඳහා අතිරේක සුදුසුකම් ස්ථාන දෙකක් ලබා දීමට තීරණය කර තිබෙනවා. එම ස්ථාන දෙක සඳහා කණ්ඩායම් ජාත්‍යන්තර තරඟයට පෙර තරඟ කරන බව නිවේදනය කර තිබුණා. මේ අනුව මෙම වසරේ ජාත්‍යන්තරය තරඟය සඳහා Group Stage කණ්ඩායම් ප්‍රමාණය 18 සිට 20 දක්වා පුළුල් වී ඇති බවයි වාර්තා වන්නේ.
ප්‍රධාන ඉසව්ව වෙනස් ස්ථාන දෙකක දී පවත්වන පළමු ජාත්‍යන්තරය මෙය යි. මුල් අදියරයේ තරඟ SunTec Singapore ක්‍රීඩාංගනයේ පවත්වනවා. අවසන් අදියරයේ තරග Singapore Indoor Stadium හි පවත්වන බවයි සංවිධායක මණ්ඩලය පවසන්නේ.
Group Stage තරඟ ඔක්තෝම්බර් 15 සිට ඔක්තෝම්බර් 18 කාලය තුළ පැවැත්වීමට නියමිත යි. අනතුරුව ප්‍රධාන ඉසව්ව ඔක්තෝම්බර් 20 සිට ඔක්තෝම්බර් 23 දක්වා පවත්වා, විවේක දින කිහිපයකට පසු නැවතත් ඔක්තෝම්බර් 29 සිට ඔක්තෝම්බර් 30 දක්වා පැවත්වීමට තීරණය කර තියෙනවා.
මෙම වසරේ Prize Pool (ත්‍යාග සංචිතය) මේ වනවිට අමෙරිකානු ඩොලර් 14,773,576 USD කි. මෙය තරගාවලිය අවසන් වනවිට තවත් ඉහළ යනු ඇති බවයි මේ පිළිබඳව අදහස් දක්වන නිරීක්ෂකයන් අනුමාන කරන්නේ.
Dota 2 ජාත්‍යන්තර ශූරතාවය සඳහා මෙම වසරේ ආරාධිත කණ්ඩායම් වන්නේ,
PSG.GDD, OG, Team Spirit, Beastcoast, Team Aster, Thunder Awaken, Boom Esports, TSM, Thundra Esports, Gaimin Gladiators, Evil Geniuses, Fnatic කණ්ඩායම් දොළහයි.
ලොව පුරා එක් එක් කළාප තරඟයවලින් තේරී පත්වී ඇති කණ්ඩායම් වන්නේ,
උතුරු ඇමෙරිකාව – Soniqs
දකුණු ඇමෙරිකාව – Hokori
බටහිර යුරෝපය – Entity
නැගෙනහිර යුරෝපය – Berboom Team
චීනය – Royal Never Give Up
අග්නිදිග ආසියාව – Talon Esports යන කණ්ඩායම් හයයි.
මෙම පරිගණක ක්‍රීඩා අංගය මෙවර පළමු වතාවට 2022 ආසියානු තරඟයේ පැවැතිවීමට නියමිත බව වාර්තා වෙනවා. අනතුරුව මෙය Olympic අංගයක් වනබවද වාර්තා වෙනවා.
