පාර්ලිමේන්තුව නියෝජනය කරන මැති ඇමතිවරුන් අතරින් 60 දෙනෙකු පමණ සිය ජල බිල්පත් ගෙවීම පැහැරහැර ඇති බව ජාතික ජලසම්පාදන හා ජලාපවහන මණ්ඩලය, රාජ්‍ය පරිපාලන අමාත්‍යාංශ ලේකම්වරයා හරහා කතානායකවරයාට දැනුම් දී තිබෙනවා.
ඒ අනුව ඔවුන්ගෙන් රුපියල් එක්කෝටි තිස්ලක්ෂයක් පමණ ජල සම්පාදන මණ්ඩලයට අයවිය යුතු බවයි වාර්තා වන්නේ.
ඒ සම්බන්ධයෙන් පසුගිය ජුනි මස 30 වැනිදා රාජ්‍ය පරිපාලන අමාත්‍යාංශ ලේකම්වරයා හමුවී ජල සම්පාදන මණ්ඩලය දැනුම් දී තිබෙනවා. ඒ අනුවයි ලේකම්වරයා විසින් මේ පිළිබඳව කතානායක මහින්ද යාපා අබේවර්ධන දැනුවත් කර ඇත්තේ
