ඉන්ධන පෝලිමක සිටියදී වාර්තා වූ 5 වැනි මරණය අද (11) උදෑසන ගාල්ල තවලම ප්‍රදේශයෙන් වාර්තා වුණා.
එලෙස මියගොස් තිබුණේ බදුවත්ත, හබරකඩ පදිංචි 43 හැවිරිදි පුද්ගලයෙකු වන අතර පොලිසිය පවසන්නේ අදාළ පුද්ලයා අද අලුයම 3.30 ට පමණ ලොරි රථයට ඩීසල් ලබාගැනීමට ඉන්ධ පිරවුම්හල වෙත පැමිණ ඇති බවයි.
පැය ගණනාවක් ඉන්ධන පෝලිමේ සිටි ඔහු රියැදුරු අසුන තුළ මියගොස් සිටියදී සිරුර සොයා ගැනුණු බව පොලිසිය කියා සිටිනවා.
මෘත ශරිරය කරාපිටිය ශික්ෂණ රෝහලේ තැන්පත් කර ඇති අතර පශ්චාත් මරණ පරීක්ෂණය අද සිදුකිරීමට නියමිතයි.
