රුපියල් කෝටි 532 ක ආදායම් බදු මුදලක් රජයට නොගෙවා පැහැර හැරීමේ සිද්ධියකට අදාළව අධිකරණයේ පෙනී සිටි පර්පචුවල් ටෙෂරීස් සමාගමේ අධ්‍යක්ෂ අර්ජුන් ඇලෝසියස් ඊයේ (03) දින ඇප මත මුදාහැර තිබෙනවා.
ඒ රුපියල් ලක්ෂ 75ක ශරීර ඇප දෙකක් මතයි. මුදා හැරීමට නියෝග කර ඇත්තේ කොළඹ අතිරේක මහේස්ත්‍රාත් ටී.එන්. ඉලංගසිංහ විසින්.
මෙම සිද්ධියට අදාළව අධිකරණයේ පෙනී සිටින ලෙසට අර්ජුන් ඇලේසියස් මහතාට සිතාසියක් නිකුත්කර තිබුණා.
ඩබ්ලිව්. එම්. මෙන්ඩිස් සහ සමාගම රුපියල් රුපියල් 5,328,428,555/= බදු මුදලක් නොගෙවා පැහැර හැරීමෙන් රජයට වංචාවක් සිදුකළේ යැයි දේශීය ආදායම් බදු දෙපාර්තමේන්තුව කොළඹ මහේස්ත්‍රාත් අධිකරණය හමුවේ එහි අධ්‍යක්ෂ ධුරය දරන අර්ජුන් ඇලෝසියස් යන අයට එරෙහිව මෙම නඩුව ගොනුකර තිබෙනවා.
