ඉන්දීය විදේශ කටයුතු අමාත්‍ය ආචාර්ය එස්. ජයශංකර්, ආර්. සම්බන්ධන් ප්‍රමුඛ දෙමළ ජාතික සන්ධානයේ නියෝජිත පිරිසක් හමුවුණා. රජය සහ දෙමළ ජාතික සන්ධානය අතර මාර්තු 25 පැවති රැස්වීමේ ප්‍රගතිය පිළිබඳ ඔවුන් විසින් ඉන්දීය විදේශ අමාත්‍යවරයා දැනුවත් වක්‍ර තිබුණා.

දේශපාලන සිරකරුවන් නිදහස් කිරීම, ඉඩම් පරිහරණය, අතුරුදන් වූවන් පිළිබඳ ගැටලු, 13 වැනි සංශෝධනය ක්‍රියාත්මක කිරීම සහ දෙමළ ඩයස්පෝරා ආයෝජන සම්බන්ධයෙන් එහිදී සාකච්ඡා වූ බව ඔවුන් පවසා තිබෙනවා.

රජයේ සහ TNA න්‍යාය පත්‍රයේ ඇති සියලුම අන්තර් ක්‍රියාවලදී ගැටලු සම්බන්ධයෙන් ඇති වූ ධනාත්මක වර්ධනයන් එස්. ජයශංකර් විදේශ අමාත්‍යවරයාගේ පැසසුමට ලක් වූ බවයි වාර්තා වන්නේ. එක්සත් ශ්‍රී ලංකාවක් යන රාමුව තුළ ශ්‍රී ලාංකික දමිළ ජනතාවගේ සමානාත්මතාවය, යුක්තිය, සාමය සහ අභිමානය වෙනුවෙන් ඉන්දියාව නිරන්තරයෙන් සහයෝගය දක්වන බව මෙම හමුවේදී එස්. ජයශංකර් අමාත්‍යවරයා අවධාරණය කර තිබුණා.

රටේ සිදුවන වංචා සහ දූෂණ අවම කිරීමට මෙරට සියලුම දේශපාලන පක්ෂ විගණනයකට යටත් කළ යුතු බවත් නමුත් ඒ සඳහා කිසිඳු දේශපාලන පක්ෂයක් එකඟ නොවන බව හිටපු විගණකාධිපති ගාමිණී විජේසිංහ පවසනවා.

ඔහු පෙන්වා දෙන්නේ විධායකය හා ව්‍යවස්ථාදායකය නීතියට යටත් කළ යුතු බවත් පොහොර නැවට වන්දි ගෙවීමේ සිද්ධියේදී අදාළ තීරණය ගත් පුද්ගලයෙකු තවමත් සොයාගත නොහැකිවී ඇති බවයි.

එමෙන්ම දේශපාලඥයින් සඳහා ලබාදෙන වරප්‍රසාද සියල්ල අහෝසි කළ යුතු බවත් සෑම වසර තුනකට වරක්ම සියලුම නීති යාවත්කාලීන කළ යුතු බවද ඔහු සඳහන් කරනවා.

හිටපු විගණකාධිපති ගාමිණී විජේසිංහ මේ බව සඳහන් කළේ දූෂණයට එරෙහි නීතිමය ක්‍රියාවලිය ශක්තිමත් කිරීමට රජයට බලපෑම් කිරීමේ අරමුණින් සංවිධානය කෙරුණු URBAN CITIZEN සම්මත්‍රණය සඳහා එක්වෙමිනුයි.

රාමසාන් සමය වෙනුවෙන් රටඉඳි ආනයනය සඳහා පනවා තිබූ විශේෂ වෙළෙඳ භාණ්ඩ බද්ද අඩුකිරීමට මුදල් අමාත්‍යංශය තීරණය කර තිබෙනවා.

ඒ අනුව තීරණය කර තිබෙන්නේ රටඉඳි කිලෝ ග්‍රෑමයක් සඳහා පනවා තිබූ විශේෂ වෙළෙඳ භාණ්ඩ බද්ද රුපියල් 200.00 සිට රුපියල දක්වා රුපියල් 199කින් අඩුකිරීමටයි.

සහල් ව්‍යාපාරිකයන් නැවත වරක් සතිපතා සහල් මිල ගණන් ඉහළ දැමීමට පටන්ගෙන ඇතැයි තොග වෙළෙඳ ව්‍යාපාරිකන් පවසනවා. පසුගිය දෙසතිය තුළ දී පමණක් වාර දෙකක දී සහල් මිල මෙලෙස ඉහල දමා ඇති බවයි කියන්නේ.

පොළොන්නරුවේ ප්‍රධානම සහල් ව්‍යාපාර සමාගමක සහල් වෙළෙඳුන් වෙත නිකුත් කර ඇති මිල ගණන් ලේඛනයට අනුව පසුගිය මාර්තු 12දා රු. 180/- ට අලෙවි කළ සම්බා සහල් කිලෝව මාර්තු 22දා සිට රුපියල් 205/- දක්වා රුපියල් රු. 25/-කින් මිල වැඩි කර තිබෙනවා. මාර්තු 12දා රු. 175/- ට අලෙවි කළ නාඩු සහල් කිලෝව මාර්තු 22දා රු. 200/- දක්වාත්, මාර්තු 12දා රු. 175/- ට අලෙවි කළ සුදු කැකුළු සහල් කිලෝව මාර්තු 22දා රු. 200/- දක්වාත්, මාර්තු 12දා රු. 180/- ට අලෙවි කළ රෝස කැකුළු මිල මාර්තු 22දා වනවිට රු. 205/- ක් දක්වාත් මෙලෙස මිල ඉහල දමා තියෙනවා.

ඉන්දීය විදේශ අමාත්‍ය එස්. ජයශංකර් අද (28) ලංකා ඉන්දියන් ඔයිල් සමාගමට අයත් මෙරට ඉන්ධන පිරවුම් හලක නිරීක්ෂණ චාරිකාවක නිරත වී තිබෙනවා.

එස්. ජයශංකර් Twitter සටහනක් තබමින් සඳහන් කරන්නේ එම සමාගමේ කළමනාකාර අධ්‍යක්ෂ මනෝජ් ගුප්තා ඉන්ධන සැපයුම් තත්වය සම්බන්ධයෙන් ඔහු දැනුවත් කර ඇති බවයි.

ඇමරිකානු ඩොලර් මිලියන 500ක ඉන්දියානු මූල්‍ය සහයෝගය ශ්‍රී ලාංකිකයන්ගේ එදිනෙදා ජීවිතයට උපකාරී වනු ඇති බව ඉන්දීය විදේශ අමාත්‍ය එස්. ජයශංකර් වැඩිදුරටත් සඳහන් කර තිබෙනවා.

ඉන්දීය විදේශ අමාත්‍ය එස්. ජයශංකර් හා මුදල් අමාත්‍ය බැසිල් රාජපක්ෂ අතර හමුවක් සිදුව තිබෙනවා.

ඉන්දීය විදේශ අමාත්‍ය එස්. ජයශංකර් Twitter සටහනක් තබමින් සඳහන් කරන්නේ අද (28) උදෑසන මෙම හමුව සිදුවූ බවයි.

එම සාකච්ඡාවේදී ආර්ථික තත්ත්වය හා ඉන්දියාවේ සහයෝගය සම්බන්ධයෙන් සාකච්ඡා කර ඇති බව එම සටහන මඟින් වැඩිදුරටත් දක්වා තිබෙනවා.

අදාළ Twitter සටහන –

මුදල් අමාත්‍යවරයා පවසන පරිදි උත්සව සමයේ රටේ ජනතාවට සහන ලබාදීමට රටේ පවතින ආර්ථික ගැටලුව නිසා නොහැකි බව කදුරට ජනතා පෙරමුණේ නායක සහ පාර්ලිමේන්තු මන්ත්‍රී වි.රාධාක්‍රිෂ්ණන් පවසනවා.

රටේ පවතින ඩොලර් හිඟයත් සමඟ පවුලේ සමාජිකයන්ට ගැස්, ඉන්ධන, කිරිපිටි ඇතුළු විවිධ පෝලිම් වල රැදි සිටිමට සිදු වි ඇති බවයි. ඒ අතර රටේ ඇතැම් පුද්ගලයන් මේ රටේ ජිවත් විමට නොහැකිව ඉන්දියාවට සරණාගතයින් ලෙස පලා යන බවයි මන්ත්‍රීවරයා කියන්නේ. රටේ පවතින ආර්ථික ගැටලුව හේතුවෙන් වතු කම්කරුවන්ද දැඩි පිඩාවට පත් වි ඇති බව ඔහු පවසනවා.

වතු කම්කරු පවුලකට කිලෝ 15 ක තිරිගු පිටි සහනාධාරයක් දෙන බව ආණ්ඩුව කීවත් එය එකම එක අවස්ථාවක පමණක් රජය මගින් ලබාදුන් බවයි මන්ත්‍රී රාධාක්‍රිෂ්ණන් කියන්නේ. දැන් වන විට තිරිගු පිටි කිලෝවක් මිල දි ගැනිමට නොහැකි තත්ත්වයකට වත්මන් රජය වතු කම්කරු ජනතාව පත් කර ඇති බව ඔහු කියනවා.

කෙතරම් ප්‍රහාර එල්ල වුවද මුදල් අමාත්‍ය බැසිල් රාජපක්ෂ පරාජය කිරීමට නොහැකි බව බලශක්ති අමාත්‍ය ගාමිණී ලොකුගේ පවසනවා.

අමාත්‍යවරයා කියා සිටින්නේ උදය ගම්මන්පිල හා විමල් වීරවංශ යන හිටපු අමාත්‍යවරුන් කෙතරම් උත්සහ කළද බැසිල් රාජපක්ෂ ඇමරිකාවට යැවිය නොහැකි බවයි.

බලශක්ති අමාත්‍ය ගාමිණී ලොකුගේ මේ බව සඳහන් කළේ උත්සව සභාවක් අමතමිනුයි.