28 C
Colombo
Monday, June 21, 2021

ඔලිම්පික් වලට උතුරු කොරියාව එන්නේ නැහැ

Must read

සිය රට මෙවර ටෝකියෝ ඔලිම්පික් තරගාවලිය නියෝජනය නොකරන බව උතුරු කොරියාව නිවේදනය කර තිබෙනවා. එරටින් ලැබෙන තොරතුරු අනුව මාධ්‍ය වාර්තා කරන්නේ, කොවිඩ් 19 වසංගතයෙන් ක්‍රීඩකයින් ආරක්ෂා කිරීම සඳහා උතුරු කොරියාව මෙම තීරණය ගෙන ඇති බවයි.

පසුගිය 25 වනදා උතුරු කොරියානු ඔලිම්පික් කමිටුව රැස් වූ අවස්ථාවේදී ගෙන ඇති මෙම තීරණයත් සමඟ කොවිඩ් 19 වසංගතයෙන් ආරක්ෂාවීමට ඔලිම්පික් අත්හරින එකම ප්‍රධාන රට උතුරු කොරියාව වනු ඇති. වෛරසය ව්‍යාප්ත වීමත් සමඟ උතුරු කොරියාව තමන්ගේ දේශ සීමාවන්  පවා වසා දමමින් වෛරසයෙන් ආරක්ෂා වීමට දැඩි පියවර අරන් තිබුණා.

උතුරු කොරියාවේ මෙම තීරණය උතුර සමග සම්බන්ධ වීමට ක්‍රීඩා උළෙල භාවිත කිරීමේ දකුණු කොරියානු බලාපොරොත්තුව බිඳ වැටීමක් බවයි සඳහන් වෙන්නේ.

මිට පෙර 2018 වසරේදී දෙරට ම ඒකාබද්ධව ශීත ඔලිම්පික් තරග සඳහා ඉදිරිපත්වූ අතර එය ඓතිහාසික අවස්ථාවක් ලෙසයි බොහෝ දෙනා පවසන්නේ.

- Advertisement -

More articles

- Advertisement -

Latest article