28 C
Colombo
Monday, June 21, 2021

නාමල් පත්කළ ක්‍රිකට් අද වැඩ බාරගනියි

Must read

ක්‍රීඩා හා තරුණ කටයුතු ඇමැති නාමල් රාජපක්ෂ මහතා පත් කළ ක්‍රිකට් කළමනාකරණ කමිටුව අද වැඩ බාරගන්න බව පවසා සිටිනවා.

මහාචාර්ය අර්ජුන ද සිල්වා මහතාගේ සභාපතිත්වයෙන් පත් වූ ක්‍රිකට් කළමනාකරණ කමිටුවේ ලේකම් ලෙස ශ්‍රී ලංකා ක්‍රිකට් ප්‍රධාන විධායක ඈෂ්ලි ද සිල්වා මහතා කටයුතු කරනවා. භාණ්ඩාගාරික සුජීව මුදලිගේ මහතා. මෙම ක්‍රිකට් කළමනාකරණ කමිටුවේ සාමාජික ලෙස නීතිඥ උචිත වික්‍රමසිංහ මහතා කටයුතු කරයි. කමිටු නිරීක්ෂක ලෙස ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජෙනරාල් නීතිඥ අමල් එදිරිසූරිය මහතා පත් කරයි තිබෙනවා.

ශ්‍රී ලංකා ක්‍රිකට් විධායක කමිටුවේ හිටපු නිලධාරීන්ගේ නිල කාලය මේ මස 5 වැනි දින අවසන් වූ නිසා ක්‍රිකට් නිලවරණය පැවැත්වෙන ලබන මස 20 වැනි දින තෙක් අවශ්‍ය පරිපාලනමය කටයුතු උදෙසායි මෙම ක්‍රිකට් කළමනාකරණ කමිටුව පත්කර ඇත්තේ.

ලබන මස 20 වැනි දින දක්වා සැලසුම් කර ඇති සංවර්ධන කාර්යයන් සඳහා පමණක් වන වියදම් සහ අත්‍යාවශ්‍ය පරිපාලනමය වියදම් හැර වෙනත් කිසිදු වියදමක් දැරීමට මෙම  ක්‍රිකට් කළමනාකරණ කමිටුවට බලයක් නැහැ. එවැනි අවශ්‍යතාවයකදී ක්‍රීඩා අමාත්‍යාංශ ලේකම්ගේ පූර්ව ලිඛිත අනුමැතිය ගත යුතු බවටයි නියම කර ඇත්තේ.

- Advertisement -

More articles

- Advertisement -

Latest article