සේවක අර්ථසාධක අරමුදල (EPF) සහ සේවා නියුක්තිකයන්ගේ භාර අරමුදල (ETF) මගින් අයකිරීමට යෝජිත සියයට 25 අධිභාර බද්ද වහා අහෝසි කරන ලෙස ඉල්ලමින් අන්තර් සමාගම් සේවක සංගමය ඊයේ (10) උද්ඝෝෂණයක් පැවැත්වුවා.
ඒ නාරාහේන්පිට පිහිටි කම්කරු දෙපාර්තමේන්තුව ඉදිරිපිට දී යි.
එම උද්ඝෝෂණය පැවති ස්ථානයට පැමිණි කම්කරු අමාත්‍ය නිමල් සිරිපාල ද සිල්වා විරෝධතාකරුවන් සමඟ කතාබහක නිරත වුණා. අමාත්‍යවරයා අන්තර් සමාගම් සේවක සංගමයේ කැඳවුම්කරු වසන්ත සමරසිංහ සමඟ සාකච්ඡා කරමින් අදහස් හුවමාරු කරගන්නා අයුරු ද දක්නට ලැබුණා.
2020 අප්‍රේල් 01 වැනිදා ආරම්භ වන තක්සේරු වර්ෂයට අදාළව මෙම බදු මුදල අයකිරීමට නියමිතයි.
මේවන විටත් එම යෝජිත අධිභාර බද්දට තමන් එකඟ නැතිබව කම්කරු අමාත්‍යවරයා ලෙස නිමල් සිරිපාල ද සිල්වා පවසා තිබෙනවා.
